तांत्रिक अडचणीमुळे प्रशिक्षण वेळेत पूर्ण करू न शकणाऱ्या, ऐनवेळी गट बदल केलेले प्रशिक्षणार्थींना वेळ वाढवून देण्याबाबत विचार सुरू आहे.
तसेच चंद्रपूर, गडचिरोली, नाशिक इत्यादी जिल्ह्यात सुरू असलेल्या अतिवृष्टीमुळे अंतिम परीक्षा व स्वाध्याय अपलोड करू न शकणाऱ्यांना मुदतवाढ मिळावी अशी मागणी शिक्षक भारतीने केली आहे.
SCERT ची संदिग्ध भूमिका
पोर्टल बंद करण्याची अंतिम तारीख याबाबत कोणतीही सूचना अद्याप देण्यात आलेली नाही. अंतिम तारखेपूर्वी किमान 8 दिवस आधी पत्राद्वारे सर्वांना सूचित करण्यात येईल,अशी तोंडी माहिती मिळत आहे. पण याबाबत सविस्तर माहिती तातडीने देणे आवश्यक आहे.
शिक्षण विभागाच्या नियोजनात नेहमीच गडबड का होते? याचा संबधितांनी गांभीर्याने विचार करायला हवा.
सर्व प्रशिक्षणार्थी विनंती आहे की मुदतवाढ मिळेल की नाही हे आज तरी निश्चित नाही. आपण आपले प्रशिक्षण लवकरात लवकर प्राधान्याने पूर्ण करावे. भविष्यात अंतिम परीक्षा व स्वाध्याय अपलोड करण्याचे काम अपूर्ण राहिल्यास शिक्षक भारती पदाधिकाऱ्यांशी संपर्क करावा.
आँनलाईन पद्धतीने प्रथमच हे प्रशिक्षण होत असल्याने अनेक अडचणी येत आहेत. सर्व शिक्षक प्रशिक्षणार्थींना शाळेतील दैनंदिन कामकाज सांभाळून सदर प्रशिक्षण पूर्ण करावयाचे आहे.
उपरोक्त बाबींचा विचार करून मुदतवाढ द्यावी. तसेच प्रशिक्षण संदर्भात वेळोवेळी सुचना संबधित विभागाने द्यावी. एकही प्रशिक्षणार्थी प्रमाणपत्रापासून वंचित राहणार याची खबरदारी घ्यावी, ही विनंती.
सुभाष किसन मोरे
कार्याध्यक्ष शिक्षक भारती, महाराष्ट्र राज्य
